Shop

om een of ander rede is dit aan my toebetrou dat al die vrouens wat ek verf

bietjie gatvol of sad of effe tevrede lyk

(nooit heeltemal dik van die lag nie)

Ek dink dis oor as hulle deur 'n spieël in 'n raaisel inkyk, dan verstaan hulle nie die raaisel nie en hulle verstaan ook nie die antwoorde nie

En die antwoorde wat ander vir hulle wil gee die verstaan hulle ook nie

want diè wat maak of hulle die antwoorde het...hulle raai ook maar

Nou kyk hulle maar al minder in daai raai raai spieël want hulle is moeg vir die raai raai raaispul

Nou kyk sy liewers by die venster uit

na ons ewige gebergtes en staan in bloue verwondering oor die skoonheid

Sy sien liewers as sy laatmiddag huistoe ry

langs die N1 tussen jip de Jager en durbanville afdraai hoe die haweloses

vir hulle skuilings maak vir die nag

en haar hart word gevul met jammerte

Nou kyk sy op en rondom haar en sien hoe mooi die wit duiwe vrede dwarsdeur die spieël verby die raaisel

tot binne in haar hart vlieg

©Lidi

600x800 blocked board